Pas eliminimit të Albi Lushi nga “Ferma VIP” të hënën ai ka zgjedhur Frederik Ndocin
si kryefermerin e ri. Ky i fundit, në kuadër të pozitës së re, zgjodhi të qëndronte në shtëpinë e Njishit bashkë me Albën.
Megjithatë, atmosfera nuk ka qenë aspak e qetë që në natën e parë. Një situatë e pakëndshme ka krijuar tension mes Frederikut dhe Albës, pas një deklarate të papritur të artistit, pasi ai pretendon se ka parë fermeren gjysmë të zhveshur në tualet.
“Në banjë, e kishe lënë derën hapur dhe të pashë gjysmë nudo. Por e kishe fajin ti”, është shprehur Frederiku.
Alba e ka mohuar që ka qenë e zhveshur. Por debati mes tyre ka marrë përmasa më të mëdha, duke e çuar fermeren drejt një vendimi të papritur, të largohej nga shtëpia e Njishit në shkelje të rregullave të vendosura nga Aga.
E prekur nga ngjarja, Alba ka ndarë situatën me fermerin Nuri pas rikthimit në fermë, ku është shfaqur mjaft e lënduar emocionalisht.