Aktori Gert Ferra dhe sipërmarrësi Igli Veizi do të jenë
dy banorët më të rinj të “Big Brother VIP 4’.
Kjo u zbulua dje ekskluzivisht në studion e “Fan Club”.
Gerti ka një histori konflikti me Laert Vasilin, por theksoi se kjo i përket së shkuarës dhe janë miq. Madje në sfond u shfaqen edhe lajmet që janë shkruar për këtë sherr në atë kohë.
“Me Laertin i kemi mbyllur prej kohësh këto hatërmbetje, këto zënka. Sot jemi miq. Nuk e di se si do e gjej Laertin atje, se Laerti është shashkë të pëlcet në dorë. Nuk e di se si e gjen Laertin. E di që nuk e harron, as unë nuk e harroj”, tha Gerti.
I pyetur nëse Laerti në shtëpinë më të famshme në Shqipëri, është po ai Laerti që ai njeh, Ferra tha: “Jo, fatkeqësisht jo”.
Nga ana tjetër, Igli u shpreh se po hy në shtëpinë e “Big Brother VIP 4” pa plan, pa projekt.
“Nuk do të hy me projekt, me plan, por do të jetë shumë më ndryshe aty, se sa këtu që po flasim, s’kam asnjë plan”, tha sipërmarrësi.
Ndërkohë Gerti u shpreh: “Do të hy i vetmuar, më pëlqen të jem vetëm”.
