Duke nisur nga nesër, 24 maj tuneli i Llogarasë do të jetë i hapur për automjetet, përveç mjeteve të tonazhit të rëndë.
Lajmi është bërë me dije nga zv.kryeministrja dhe ministrja e Energjisë dhe Infrastrukturës, Belinda Balluku përmes një mesazhi video të shpërndarë edhe nga kryeministri Edi Rama.
Balluku tha se kalimi në tunel do të jetë pa pagesë deri në 15 shtator për të ndihmuar turizmin në jug të vendit..
“Duke nisur nga nesër, 24 maj, hapet për qarkullimin e automjeteve tuneli i Llogarasë .
Vepra që shkurton distancën drejt bregdetit të jugut dhe që i shërben sezonit turistik. Pa pagesë deri më 15 shtator.
Ndalohet kalimi vetëm për mjetet e tonazhit të rëndë.“- thuhet në postimin e kryeministrit.